معلوماتك عن اللغة اليابانية ؟؟ هيا بنا نتعلم ياباني

**Dody W BsS** · 23rd October 2009

هلووو قااايز
الموضوع دا حصرري
يعني كل واحد يحطلنا ايش اللي يعرفو عن اللغة اليابانية

حبدأ واقولكم معلوماتي العاااامة عنها :Coffee_lover:

اول حاجاا ماعندهم فتحة ولاضمة ولاكسرة زيناا

عندهم مد ｰ << دا رمزو يعني يمدو فلحرف لين الحرف اللي بعدو بدا المد

مممم كمان ماعندهم حرف اللام عندهم حرف الراء كانو لاام
يعني لمن يقولو كلمة فيها ر يخلو لسانهم بين مكان حرف الراء واللام بس يبان كانو راء

مثلن يعني زي ران <اللي فكونااان .. اللي يتابعو انمي ياباني مترجم كتابة مو مدبلج اكيد سمعتو كيف ينطقوها :b-style1- (6):

وات ايلسسس مممممم يب ماعندهم حرف الفاء عندهم v بدالو

عندهم الحروف رسمتين لها

يعني طريقت كتابة كل حرف لها شكلين

طريقة الهيراغانا <واضن انو نفس الطريقة الصينية فلحروف

وطريقة الكاتاكانا < دي الطريقة مرا سهلة حروفها وكانها انجلش

مثلا شكل حرف ال i = ｲ

وزي كدا مرا تشبه حروف الانجلش وفنفس الوقت تشبه حروف الهيراغانا

كاننا فلعربية بنكتب بخط النسخ وخط الرقعة سـاره << بالنسخ و ــــارهـ <رقعة

ايوا نفسي اديكم معلومات اكتر بس دي الي اعرفها

واللي نفسو يتعلم ياباني ترا اللغة يقولو مرا سهلللة وضريفة وفي صحابي اتعلم اليهودية ف16 يوم واتقنها وسار يكتبها رغم انو اليهودية (العبرية) مرا صعبة بس عشانو يبغا يتعلم اتعلمها

وعلا فكرة اليابانية كتير كلمات زينا بلعربي

زي كلمة انتا = اناتا وكلمة طير = تيرو << وكلمات اخرى بس دي اللي فاكراهااا

يعني اللي نفسو يتعلمها سمعت انو في دورات فبيرلتز فجدة :b-style1- (6):

يلا
ياريت تحطولي ايش تعرفو عن دي اللغة انتو كمااانا

وتصححوووولي لو في اي غلط

وبالتوفيق للكل

**Gothic Guy** · 27th October 2009

تسلمي خيتو على موضوعك وانا حاليا باتعلم لغة الهيبرو

اللي هيا اللغة العبرية التقليدية

Gothic Guy

**DAMA GOTHICA** · 14th February 2010

i watch japanese anime

i will learn lol

**RaSkL** · 28th April 2010

تإآنكس عالتوبيكـ الناإأآيس

آسعدني التواجد في متصفحكــ .. الرائع

آترقب الافضل والآروع

,,

وشكرا ع المجهود

تحياتي

RaSkL

,,

**Destroyer** · 6th May 2010

**さようなら日本** · 20th September 2010

اوخيتي Dody W BsS

اشكرك بداية ع موضوعك الجميل والمعلومات الرائعه
لكن عندي تعقيب بسيط دامك قلتي ( وتصححوووولي لو في اي غلط )
فحاول تصحيح ما كتبتيه لان غلطت الشاطر بالف
الغلط هناا ما الومك فيه بس ممكن انك سمعتي كذا وجيتي تكتبي زي ما سمعتيه لن اطيل عليكم
( طريقة الهيراغانا <واضن انو نفس الطريقة الصينية فلحروف ) اولا ما يطلق عليها حروف يطلق عليها اشكال والمصطلح حقها يسمى ( كانجي 漢字) ومعناها ( شعور او احساس للمعلومة فقط )
وثانيا الهيراجانا هي الحروف اليابانية التي يكتب بها الاشياء التي ليست دخيلة على اللغة اليابانية
اي بمعنى انها كلمات اصلية في اللغة اليابانية فيعني لو انا جيت بكتب اسمي باللغة اليابانية ما اكتبه بالهيراجانا ولا الكانجي لان النوعين ذولا يستخدموا فقط في كتابة الاشياء الغير دخيلة على اللغة وكل نوع يستخدم في ظرف معين لن اطيل في الموضوع هذا لانه يبغاله كلام كثير
وثالثا وطريقة الكاتاكانا < دي الطريقة مرا سهلة حروفها وكانها انجلش < اولا الكتابة اللي كانها انجلش المصطلح حقها اسمه ( الروماجي ) (وهذا ما انصح فيه للدارس لانه يعيقه بشكل فضيع والكلام فيه يطول برضه )
لكن انتي قربتي شوي من الكلام حقك اللي فوق ( كانها انجلش ) انا بقولك الكاتاكانا في ايش تستخدم
مو انا قلت فوق ان الهيراجانا والكانجي تستخدم للكلمات الاصلية
فاليابانيين من ذكائهم عشان لا يخربوا على لغتهم اخترعوا شي اسمه الكاتاكانا カタカナ وهو للكلمات والمصطلحات الاجنبية والدخيلة على اللغة اليابانية وتكتب فيه اسامي الاشخاص والاطعمه والاشربة ( وبعض الدول ) في دول تكتب بالكانجي مثل بريطانيا وامريكا .... الخ
عموما انا احب امسك جو لما اسولف بس ما احب اطيل في نفس الوقت
فان شاء الله تكونوا فهمتوا شي من كلامي لاني مدري احس ان كلامي بعض الاحيان طلاسم <<<< اعوذ بكلمات الله التامة ..... الخ ههههههههههههههه
اتمنى لكم التوفيق
ديوا