قروب هيروكس .. Group HEROX

 

هآآآآآآآي إيفري ون .. كيفكوون شو اخباركوون وشو عامليين ..!؟؟
في البداية أحب ابدأ بجملة حلوة صراحتن ..
((لا تمضوا في طريق اليأس , ففي الكون آمال ,, ولا تتجهوا نحو الظلمات , ففي الكون شموس))

المعنى من الكلام ده .. لا نيأس ودايمن نحط قدامنا آآمال وأهداف ولو قلنا نبا نسويها حنسويها ..
بس تكون في طريق الصوآآب من دون لف ودورآآن =)

ندخل في صلب الموضوع :- الموضوع ومافيه حقولكم فكرة عن قروب من أروع القروبآآت
اللي موجوودة .. القروب ده كان مجرد قروب بسيط وبدأ يتوسع ويتوسع حتى صارت سمعته قوية
فآآ حاب اقدملكم فكرة القروب ده وعلى ايش بيهدف ..
اسم القروب ..(( H.E.R.O.X )) ..

فكرة القروب : نجمع عدد من الشباب اللي يجتمعو او يطمحو يكونو علاقات كويسه ونظيفه
في وسط قروب وبيئه مليئه بالمرح والاحترام وتبادل الاراء واكتشاف الموواهب
وابرازها في ظل كوننا شباب في يدنا نعمل اللي نبغاه و مافي عمل بينجح الا بالعمل الجماعي ..

<<<<من اهدافنا تنمية وتطوير فكر الشباب فكريا وادبيا واخلاقيا
وبناء مجتمع راقي بحيث يكونو ناس نفتخر بيهم في كل مكان واي زمان>>>>

<< خلينا ننسى الطفش ولو يوم >>

<< خلينا نتخلص من الفراغ بشي حلو >>

<< خلينا نضحك ونتسلى وفي نفس الوقت نعمل شي مفيد للكل>>

<< خلينا نبرز مواهبنا ونظهر مافينا من طاقات كامنه >>

<< خلينا نغير من طابعنا كشباب ممل مالو اي هدف >>


>>><< خلينا نعمل خير بس بطريقه غير >><<<

معنى كلمة اللي هيا رمز القروب ( H.E.R.O.X )

طبعا كلمة هيرو تعني البطل كما هو معروف عن الابطال دا المعنى الرئيسي
ونحنا هنا بنشوف كلمة هيرو بمفهومنا كشباب معاصر

Honest : الصدق يعني مااظن في احلى من الصدق الواحد لمن يكون صادق مع نفسو
وصادق في كلامو وصادق في تعاملو مع الاخرين كدا بيعلى في نظر الكل
وميحتاج اشرح معنى اكتر للصدق والصداقه

Entertainment : الترفيه والترفيه يعني فله وضحك وجو مليئ بكل وسائل الترفيه عن النفس
والمرح والتسليه وخلق الابتسامه على وجه الاخرين


Respect : الاحترام يعني الاحترام المتبادل بين الشباب
احترام الاراء احترام الاشخاص احترام التعامل مابينهم
واحترام انو نحنا اصدقاء واصحاب ومسؤولين عن بعضنا البعض ونكون يد واحدة

Optimize : التميز والتميز يعني نكون مميزين باعمالنا ومواهبنا واختراعاتنا وافكارنا
ومعنى اوبتمايز يعني طموح للوصول الى الافضل والامثل
ومافي احد بينجح الا انو يكون مميز بين اصحابو والمجتمع اللي حوليه

X: هوا رمز الكثره او التعدد يعني نحنا عدد من الشباب فينا كل الصفات السابقه

.. هادي هيا فكرة القروب واللي يبا يعرف اكتر .. هادا رابط القروب على الفيس بوك
[لا يمكنك مشاهدة الرابط يجب عليك التسجيل اولا. ]

 

 

ثانكس ع القروووب الحلوو ومنجد مرره رووعه وطموحاتوو عاليه جدا

وانا مشترك على القرووب دا من زمان..

فـــــــــــي امان الله