ليش ما نعطي البنت فرصه ؟

 

[align=center]هااااااااي

كيفكووم كووووولكم انا اليوم حابه اتكلم معاكم عن موضوع منتشر في بلداننا العربيه

وبالدات الخليج إلى هو

ليش ما نعطي البنت فرصه ؟؟

الإنسان دايما يغلط أكيد بس الشاطر الي يتعلم من غلطه

هنا انا عندي حاجه ابغا اقووولها ليش لما البنت تغلط محد ما يعطيها فرصه عشان تصلح غلطها خلاس تعتبر في نظرهم عار على العيله ومدري ايش

في حين لما الولد يغلط يقولو ولد عاتي ما يعيبه شيء والأخس من كدا انو يكون مسوي مصااااايب وبس لو اعلن إلتزامه الكل يبغا يزوجه بنته و مني عارفه ايش ويسير قدوه حسنه ومدري ايش وامكن كمان اعلن إلتزامه عشان الناس تحسب انو سار ولد تقي ويخاف الله ومدري ايش وهو اصلا بسوي مصايب الدوونيا

بس البنت لو تعلن إلتزامها من هنا لي بووكرا محد راح يسامحها ولا أحد راح يطالع فيها اصلا تيب ليش كدا ليه ما نعطيها فرصه صح هى غلطت وامكن يكون الغلط كبير مررره بس اكيد راح تكون اتعلمت شيء ليش ما نعطيها فرصه عشان تسوي شيء يصلح غلطها

انا مره قرأت قصه عن ولد وبنت كانوا في السياره مسرعين والهيئه بتطاردهم وانصدموا في شاحنه وماتوا هم الا تنين الولد الكل صلى عليه اما البنت محد صلى عليها غير اهلها بس ليش نفسي اعرف ليش

اتمنى محد ما يزعل مني او يفهمني غلط واتمنى انو الجيمع يتناقش معيا في الموضوع [/align]