ليش كذا ؟؟!

 

مرحبا للكل ومساااااااااااااائكم فل

نفر نفر ونفره نفره

شلونكم شخباركم بعد زحمة العيد علما انه ماخلصت

المهم فيه موضوع قاهرني حبيت اشارككم فيه

الا وهو (مثقفه):Coffee_lover:

"تبادل المشاعر "

من طبعي ومو مدح فيني بالعكس انا متضايقه من الشي هاذا

انه دائما اهتم لمشاعر غيري واحترمها لابعد حدود

بالعربي اذا صارت مشكله لاحد قريب لي او صديق

اتعب نفسيا حتى لو مالي دخل فيها واحاول كثر مااقدر عشان اساعده وما اخليه غير راضي

خاصة اذا طلبوا مني اروح اذبح نفسي عشان اساعدهم

واذا شفت غلط من احد او شي مو حلو مااجرحه ابد يا اوصل المعلومه مزخرفه بحب ومدح ولا مااذكر نهائيا

دائما اركز على الفاضي انه تكون زينه معهم وابين لهم انهم غاليين علي لو كان مو صحيح

اهم شي الي يجيني اطيب خاطره

بالمقابل كثييييييييييييييييير اني اعلق عليه

المشكله انه من الاشخاص الي شافوا مني كل احترام واهتمام

انا مابي اهتمام زين ... بس الاحترام في الالفاض وينه

مثلا ابي اذكرلكم موقف صار لي عشان تاصل الفكره

صديقتي تزوجت

لما زرتها بالبيت كانت مبسوطه وتتكلم لي عن زوجها

فقالت ابغى اوريك صورته

ورتني الصوره الصراحه الصراحه مو حلو نهائي

وش تتوقعون اقول

ماني قايله عظم الله اجرك خذيتي مسخ

لا والله تدرون وش قلت

"قلت ماشالله مقبول حلو الله يهنيكم قالت هي اييييييه يجنن"

المهم مرت الايام وانخطبت

جتني للبيت قالت وريني صور خطيبك ....

انا ماني قايله خطيبي حلو بالعكس مو حلو

لكن هنا الكلام

اول ماشافته انفجرت القنبله

"وووووووووووووووووووووووووووووع شييييييييييييييين

ليش توافقين عليه مو حلووووووووووووووووووووووووو"

غير التعليق المر على الصور الثانيه والله لكل صوره تعليق

انا ادري انه مو حلو بس مادام انه خطيبي وانا راضيه عليه راعي مشاعري

كنت اقدر اقول :" من زين حلايا الوحش الي انتي ماخذته ":b-style1- (18):

بس والله اذا انتم رديتوا انا رديت

اللهم بس ناظرت له وقلت:" اهم شي انه يحبني اكثر من ماحبه "

وعلى فكره هاذي وحده من المليون الي أواجههم بحياتي

والطامه اذا احتجت احد يساندني بأي شي او يفزع لي والله

احس احيانا انهم مستانسين على المصيبه الي صارت لي من كثر الجفا الي اشوفه

مابغى اطول عليكم اكثر من كذا لكن بالنهايه

وش تستفيد اذا فرغت سمك بالي قدامك

وش تستفيد اذا وجهت رشاشك وقعدت تطلق رصاصات الالفاظ المعفنه على واحد كان متوقع كلمه حلو

ما اعجبك الشي قل مو حلو واسكت بلاش تتعب نفسك وتخرج سناريوا تحطيم

الاخلاق مطلوبه مع قريب وبعيد

بس مثل مايقال دائما " كن كالنخله ترمى بالحصى وتسقط رطبا "

انا ماراح اتغير والله يعيننا على فقراء الاخلاق

اتمنى تشاركوني وتعلقوا على الموضوع بشوف آرآئكم او اذا فيه احد متبهذل مثلي

استنى الردود

 

 

يسلموووووووووووو حبيبتي واله مره رووووعه اسلوبك وطرحك للموضوع عجبني موت والله

بس والله نفس حالتك انا الله يكون بعوناا بس