نظرتهم ..!

 

السلآم عليكم .. صبآح الخير ع الجميع ..




قبل فتره كنت طالع انا وصديق للوالد مشوار .. والاخ من احد البلدان العربية .. المهم قاعدين نسولف مع بعض وكل واحد يفلت للثاني ارانب وانواع الفقش .. شوي الأخ تحمس ومسك خط ..

من خلال كلامه قاعد يقول ويتكلم عن الحياة هنا ( بالسعوديه ) وان له اكثر من 15 سنه عايش هنا ومعاشر ناس كثير .. قلت له في البدايه : ياخي ولله الحمد عندنا الأمن والأمان والواحد مرتاح وماخذ راحته .. قال لي : الامن والأمان موجود بكل مكان بالدنيا .. عندنا ببلدنا فيه امن وامان اكثر منكم كمان :rolleyes: .. قلت شلون ؟! تنكت شكلك .. واخذتني العزه بالأثم وقاعد اتفلت عليه ..

قال : قولي وش هالأمن الي عندكم ؟! .. قلت : ياخي يكفيك انك تطلع من بيتك وتروح شغلك ونت منت شايل هم البيت والي فيه .. يكفيك انك تسافر وانت منت شايل هم الطريق .. يكفيك انه حقك يجيك لعندك بالقانون والنظام لو كنت صاحب حق ..

قعد يضحك وقال : انته وين عايش .. ماتسمع ؟! ماتقرا ؟! ماتشوف ؟! والله العظيم ان هذا الشي ما بشوفه .. ماتسمع اخبار البيوت الي تنسرق ؟! .. انا بيتي قد انسرق .. ماتسمع اخبار الخطف والاغتصاب والسرقات .. الخ .. ماتسمع شي انت ؟! منت شايف انه كل شي ماشي بالمصالح .. انتا ولد عمي انا عم بخدمك غير هيك لا .. انتو هنا متعصبين وقبليين وعندكم افكار متخلفه ..

قلت له : انت ماتصدق كل شي تسمعه .. انت بس تسمع الاشياء الشينه ياخي ماتسمع انت شي زين ابد ؟ .. ماتسمع عن الاب الي سلم ولده للشرطه عشانه سرق ؟! ماتسمع عن الشباب الي انقذو عائله يوم كانت سيارتهم بتغرق وقت السيول ؟! .. ماتسمع عن شي حلو ابد انت ولا بس تآخذ الشين ؟!

قال لي : يارجال .. حنا عندنا ببلدنا الحريم يمشو بالشارع الساعه 4 الفجر مابيجيهم شي .. عندنا اترك باب البيت مفتوح وبأذن الله مابيصير شي .. حنا عندنا لو اني صاحب حق والله العظيم انه يجيك وما بتتعب .. حنى عندنا قوانين صارمه ..الخ .. انتو هنا الواحد بيشوف يد البنت بيجري وراها ويأذيها .. المحلات والبيوت بتنسرق .. بتتعب لين مابتحصل حقك يجيك ..

قلت له : اصابع يدك مو سوى .. واصلا اغلب المشاكل الي تسمعها وخاصتن الي بجده كلهم اجانب وعماله سائبه .. وبالاول والاخير بلدك واكيد بتمدحها ومابتقول شي شين عنها :rolleyes: .. وولعت السيجاره العاشره لأن اعصابي راحت فيها ..

السالفه طويله ونا اخترت كم نقطه منها فيه اشياء ناسيها وفيه اشياء انقالت ماتصلح تنكتب ..

هذي نظرة المغتربين .. عايشين بيننا ومعاشرينا .. للأسف وزي مايقولون : الشر يعم والخير يخص .. كل يوم نقرا ونسمع عن مصيبه .. وكل يوم نسمع قصه تشيب الراس .. هذا كلام واحد منهم تتوقعون وش نظره العالم برى ..

الاعلام المنحط شغالين تشويه فينا .. والكمخه ذاك ينزل ذهب من ايامه السرابيه .. الواحد مننا صار عنده لآ مبالاة .. تسوي شي غلط تقول ليه حرام علي وحلال ع غيري ؟! تكذب وتقول غيري يكذب .. تفتح قزاز السياره وترمي 10 علب بيبسي وتقول اصلا الشارع مو نظيف ..

ليه الواحد مايبدأ بنفسه اول شي ؟! انا وانت وانتي كلنا مقصرين والله .. نسوي اشياء وما نفكر فيها الا يوم يطيح الفاس بالراس ع قولتهم ..

شبابنا بالخارج ( الا من رحم ربي ) انواع التشويه بالسمعه .. تلقى واحد سكران وواحد ينقط وواحد يهايط وواحد معتبر الناس عنده زباله .. ليه كذا ؟!

وان جيت هنا تلقى انواع الهياط .. انا ولد فلان ونا من قبيله كذا وتراني كذا وانت مالك اصل وانت متجنس وانت مدري وش ؟!

انا ما انكر اني مريت بيوم بهالحاله وقعدت اهايط .. لكن الي يتعلم من غلطه موب احسن من الي مستمر عليه ؟! ..

الرسول صلى الله عليه وسلم يقول ( لا فرق بين عربي او اعجمي الا بالتقوى ) .. ماقال الفرق بينهم ولد فلان ولا قبيله كذا ولا ذا سعودي وذا مو سعودي .. الخ

من اهم اسباب تشويه سمعتنا معاملتنا للمغتربين .. ونلقى مثلا مقاطع بلوتوث واحد فاشخ راس بنقالي ببلكه والثاني مردغه وااكله تراب والثالث سوى حركه سوبلكس وطيره ومدري وش ؟! يعني عشانه اضعف منك ومابيده حيله تسوي كذا ؟! وش ذنبه المسكين ؟!

بأخلاقك .. وتعاملك مع الناس .. وتواضعك .. وبالاول صلتك مع ربك .. تكسب حب الناس .. ومن تواضع لله رفعه .. احيان نشوف اشياء نقول يستاهلون الي يجيهم .. لكن مثل مافيه الشر لازم يكون فيه خير .. واصابع يدك مو سوى ..

الواحد فينا يبدأ بنفسه .. وبعدها الي حوله .. تخيلو وش بيكون وضعنا .. حياتك بتزين .. علاقتك مع ربك تزيد .. مقامك بيرتفع بين الناس .. وبالاخير انت مابتسوي هالشي الا عشان نفسك ..

غير كذا سمعتك .. المسلمين بالخارج يعتبروك قدوتهم .. يقولون هذولا ابناء الحرمين واحفاد الصحابه يسوون كذا اجل حنا كيف ؟!

بالاخير نحمد الله انه فيه فئه وتعتبر بهالزمن قليله للاسف .. ناس ينحطون ع الجرح يبرأ .. ناس تفتخر انهم من بلدك ونفس عقيدتك .. والعشم فينا وفي الاجيال الي بعدنا .. نصير مثلهم واحسن ..


لكل من مر من هنا (ورده + ::بيبسي::) :b-style1- (23): ~

</B>

 

 

من حسن ما انعم الله به علينا العقل وحسن التصرف فأنت إما ان تكون مضرب في الأخلاق يقتدى بك
والعكس صحيح إما أن تكون مضرب مثل في الأنحطاط والأمور التي لا ترضي الله فأنت تمثل نفسك
في تصرفاتك وتعاملك فإما ان تكون ايجابي تعكس صوره حسنه عن مجتمعك او المحيط الذي تعيش فيه
وإما العكس تماما يكون الأنطباع عنك سي قال تعالــــى : (ولا تزر وازرة وزراء اخرى).

h e t l r
يعطيك العافيه
موضوع بالفعل رائع
ويتكلم عن حال الكثير من المجتمعات
والعادات والتعصب القبلي
لك جزيل الشكر والتقدير..

 

 

طلتك ارووع .. لاهنت ~

 

 

اقتباس:
المشاركة الأصلية كتبت بواسطة JWANA MAX [لا يمكنك مشاهدة الرابط يجب عليك التسجيل اولا. ]
H e t l r

لـقـد أبـدعـت بالطـرح .. مـوضـوع ذهـبـي جداً ..~ْ

ربـي يرضـى عليكـ على هالمـوضـوع اللامـع ..

لا حـرمنـا وجودكـ الرآئـع هنـا ..

لآ هـــنـــتـــ ..





ماننحرم من هالطله .. حيآك ~

 

 

اقتباس:
المشاركة الأصلية كتبت بواسطة ľ&Ocirc;ļâ [لا يمكنك مشاهدة الرابط يجب عليك التسجيل اولا. ]
. .

مــآإِششـآإء الله عليك
وربي موضوع ولـآإ اروع ~
طبعـآإ متل ماقلت اصـآإبع ايدك مامتل بعضهـآإ
بتششوف نــآإسس هيك وهيك ’
تسسلم لي ايديك ع هيك موضوع
دمت بكل الود عزيزي ,
::وردة:: ::الب::

. .




الله يسلمك .. مرسي ع المرور ^_^ ~