بليز ابغى رائيكم كلكم ابغى اشوف معايا حق ولا لأ

 

السلام عليكم

كيفكم كلكم ان شاءالله بخير

المهم مره معليش مقدمة زفت بس بدخل في الهرجة بسرعه

ابغاك تحط نفسك في نفس دا الموقف يعني الكل يتخيل نفسو انو مكان دا الشخص

انتا حبوب مخلص وفي عندك اصحاب كتير واهلك يحبوك ودايماً تسمع لغيرك وتعطيه

نصحيتك بس تجرح من غير ماتحس وانتا اصلاً نيتك صافيه ومو قصدك انك تزعلهم

لكن قد ماتسوي وتعمل مافي فايده يعني مثلاً..

تكون متضايق اكيد تهرج مع احد من اهلك او احد تعزو من اصحابك فتكون

الهرجة مهمة بنسبالك المهم قاعد تحكي وتهرج وقلبك محروق من القهر

وتلاقي صاحبك دا مايسمعلك او انو مو معاك وهوا اقرب واحد ليك زي اخوك واكتر

بالله ايش يكون شعورك..وهوا وقت مايكون في حاجتك يلاقيك جمبو على طول

طيب نقول معليش صاحبك نجي لأهلك.. تسوي وتعمل وتتعب وحتى تكون مريض

برضو مايقدرو وانتا في نظرهم مالك دااعي ومابتسوي شي يسوا يعني مهمشينك

وقد ماتهرج وتسوي برضو زي ماهوا الوضع وعشنك طيب وتسمعلهم يتغلو عليك

يعني يسوي تقليين ويزعلو منك وفي كل مرة انتا تجي وتتأسف وحتى لو مو انتا الغلطان

لانو في بالك انو انتا غلطت وخلاص بلاشي اكبر الهرجة ومشاكل وهبل وتعديها ولا كأنو

شي سار...والمهم انتا كده معاهم دايماً ماقيد زعلت من احد فيهم وتحبهم وتخاف عليهم

بس هما مو مقدرين دا الشي ... وانتا كمان من النوع اللي مايهرج كتير يعني مايحب

يقول انو زعلان عشان مايضايق غيرو وشخصيك تبين انك شخص قاسي متكبر واناني

بس انتا جوتك غييييييير ودايماً تسمع كلام جارح زي ...قلبك حجر..عديم احساس ..

ويعني من دا الكلام ...المهم تهرج مع دا ودا مافي فاايده ماتلاقي احد يفهمك بالله

قولي ايش يكون شعورك وقتها وايش راح تسوي لمن تلاقي كل الناس ضدك

حتى اقربهم ليك...ويعني لو اتكلمت وقلت راح يقولولك انتاقاسي وبس تجرح

ومايملي عينك شي .... يعني الزبده انو ماافي احد فاهمك في الدنيا دي...

,, ,,

اتمنى انو الكل يشارك ابغى اشوف رائيكم ووجهات نظركم

بليز ردودكم تهمني مره


سلامـ