فكره بتضرب فكرة

 

[align=center]فكره بتضرب فكرة

ايه رأيكم لو نعرف ايه حكاية العنوان العجيب ده يعني ايه فكره بتضرب فكره
تعالوا نزور واحد صاحبنا اللي دماغه فيها الحرب دي اللي بين الفكرة والفكره وعلشان نفهم ايه الحوار اللي بينهم تعالوا نسمع الحوار اللي بينهم ده
فكرة 1 :صباح الخير

فكرة2 :يافتاح يا عليم يارزاق ياكريم اصطبحنا واصطبح الملك لله
انتي شرفتي ..ايه اللي جابك تاني؟؟

فكرة1 : ايه الرد ده انا قولتلك ايه ده انا بقولك صباح الخير ...يبقى هو ده الرد على الدعوة الطيبه دي؟؟

فكرة 2 : خلصي انتي عايزة ايه..؟

فكرة1:مش عايزة حاجه انا بس كنت عايزة اتكلم معاكي شويه بخصوص امبارح والموقف اللي حصل.

فكرة 2:موقف!......موقف ايه ده كمان؟

فكرة1: ياه لحقتي تنسي؟

فكرة2: خلصي وقولي بدل ما اوريكي شغلك النهارده.

فكره 1 : طب انا هافكرك بالموقف ده
فاكره امبارح لما انتي اللي كان عليكي الدور في الهيمنه على دماغ صاحبنا ؟

فكرة 2 : اه طبعا لازم افتكر...بس ليه؟؟

فكرة 1 :طب ينفع اللي حصل ده امبارح لما صاحبنا كان قاعد بيتكلم مع واحد صاحبه وصاحبه
كان بيتناقش معاه بخصوصك انتي والفكره اللي في دماغ صاحبه ينفع اللي انتي عملتيه ده؟؟

فكرة 2 : طبعا" كان لازم اعمل كده وافضل مسيطره على دملغه وماسمحش لأي فكره تانيه تدخلها..
انتي عايزاه يقتنع بفكره تانيه وتيجي معانا هنا؟؟طب وانا بقى هاروح فين؟

فكرة 1 : هتروحي فين..!!!..مش هتروحي في حته طبعا ما هي دماغ الراجل كبيرة اهي وتساع من الافكار الف

فكرة 2 : لا طبعا ازاي يعني ..هيا تيجي فكره جديده وتقلل من سيطرتي على دملغه طب ازاي بقى مش ممكن اسمح بكده ابدا.......

ولحد هنا انتهى الحوار

ممكن البعض منكم يفهم الحوار ده على انه نوع من انواع الفكاهة انا كاتبه للتهريج بس الاكيد ان في البعض الاخر هيفهم انا عايز اقول ايه من الحوار ده
يا جماعه احنا لازم كلنا نتعلم تقبل وجهة النظر الاخرى ونتقبل النقد ومش لازم دايما ان اللي في دماغي انا هو اللي صح وبرضه مش لازم يكون علشان
في حد تاني ليه وجهة نظر مختلفه عني انه اصبح هو صح وانا خطاء
طب نعرف ازاي مين فينا اللي صح؟؟ اكيد طبعا" عن طريق المناقشه والحوار مش الهجوم
مش انا مثلا" وضحت وجهة نظري في موضوع معين لو حد تاني مش عجباه وجهة نظري هايعمل ايه؟
يناقشني مش يهاجمني لان الهجوم مش هيعمل اي حاجه غير العند والمثل بيقول العند بيورث الكفر
يبقى يا جماعه لازم كلنا نتعلم تقبل وجهات النظر المقابله ومش لازم دايما" اكون انا الاصح ممكن يكون غيري هو الصح او الاصح
ربنا سبحانه وتعالى قال ((وأمرهم شورى بينهم))
يعني ربنا سبحانه وتعالى أمرنا بالشورة والشورة بتيجي ازاي؟ عن طريق النقاش لما نتشاور يعني بنتناقش او نستشير بعضنا البعض
يعني اعتقد ان الشخص اللي مبيبقبلش المناقشات في افكاره يبقى بيخالف امر ربنا سبحانه وتعالى..
يبقى لازم كلنا نتعلم المناقشه في كل حاجه في حياتنا بس مش مناقشه لمجرد الجدال لأ تبقى مناقشه مفيده انا استفيد وانت تستفيد
لأننا لو متعودناش على تقبل النقد من الاخرين عمرنا ما هنقدر نرتاح في حياتنا ودايما هنلاقي مصاعب كتير واهمها في رأيي
الاصدقاء
هيكون من الصعب جدا على اي شخص مش بيتقبل النقد او دايما بيصمم على اللي في دماغه انه يقدر يكون صداقات مع الناس
لانهم مش هيقدروا يتحملوه وانا واحد من الناس دي مبقدرش اتحمل اي حد مش بيتقبل النقد ويناقشه
واعتقد ان في زيي كده كتير قوي
ولللمره الاخيره بقول لما بتتناقش مع حد عمرك ما هتطلع خسران بالعكس انت هتكسب كتير من النقاش ده
ولو طلع تفكيرك غلط او في اصح منه ده مش بيقلل منك ابدا بالعكس ده هيزودك معرفه وخبرة
وفي النهايه لا يصح الا الصحيح

وبس كده[/align]

 

 

تسلم والله والحمدلله انا من النوع اللي احب اسمع اراء الأخرين ..

ومو دايمــا اخذ رأي على انو الرأي السليم اسمع وجهة نظر غيري واحترمها ..

يعني لما اعرف رأي واحد في موضوع احب اسمع رأي التاني واحب اسمع الثالـث ..

لأن احلى مافي الحوار النقاش ..


تسلم حبيبي عمــاد ع نقلك للموضوع ..

 

 

STATO
مشكور على مرورك يا غالي

RAED

حبيبي عبادي؟؟؟

 

 

يسلمووووووووووووو على الطرح يا عسل


تشـــــــــــــــــآآآو