صـبـآيـآ نـعـووومــآآآت ")

 

أهــلــــن بالحبيبات

كلنا نبي نكون ملكات صح ؟
والاغلب يجمع ان المظهر الخارجي يعطيك شخصيه بنسبه 90 % على الداخلي > هالنسبه من عندي لحد يدقق

دخلتي صالون طارت عيونك من مستوى النظافه والمعامله والتدقيق والاهتمام ومستحيل يطلعونك الا وانتي راضيه وبرنسيسه من عامه الشعب
شوي تطلع في وجهك صاحبه الصالون شيفه وتفشل !
صدق .. وياكثرهم اللي اعرفهم اشكال مره عاديه وهي تملك احسن الصالونات

هذي الاشياء كلها بشخصيتك انتي
لاتقولين ما اعرف او صعبه اطق مشوار لصالون وتعرفين الشوارع زحمه والصالونات زحمه والوقت ضيق > احكم على صالونات الرياض

كل هذا تقدرين تسوينه وتهتمين فيه انتي بنفسك وبالبيت بمسمى العنايه المنزليه اللي اعتمدت عليها في موضوعي
ماعليك الله يسلمك الا شويه عده وكماليات بسيطه وتصيرين الملكه رانيا > ياختي دايم هالحرمه مرتبه وتدقق على اتفه الامور وتعرف تلبس وتصلح نفسها
ليه !!!!!!!!!

مو لانها ملكه
كلنا نشوف ملكات واميرات احسن منها بس مايعرفون يدققون ولا يهتمون
الدعوه كلها شويه ذوق وشويه اهتمام صح ؟

الموضوع هذا بالذات ماراح اسوق لمنتج معين نهائي
كلها كم طريقه وكم خطوه لاضافه لمسات بيدك انتي

تخيلي نفسك طالعه برا السعوديه لمده 3 شهور دراسه او سياحه او حتى دوره عمل
وانتي من النوع اللي يشقر حواجبه ومعتمده اعتماد كلي على الصالونات
ورحتي هناك
ياشيخه صفقــــــــيني ان حصلتي لك مشغل يضبط حواجبك بالتشقير

مع كثره الاسئله بين البنات ,
بنات طريقه تنظيف البشره
بنات كيف اسوي حمام زيت لشعري
بنات عندي حفله ومو عارفه كيف انظف اظافر يدي
بنات صبغتي نزلت حرام اروح للمشغل عطوني طريقه الصبغه
بنات , بنات , بنات , الله يعين هالبنات
جمعنا شويه من هالاسئله ونزلنها هنا وان حصل نكتب جزء ثاني مافيه مشكله
كل هالاجوبه هنا بأذن الله

نبي شويه اعتماد على الذات ,, اتفقنـآ صبايا

---


بسم الله نبدا



1- الشعر :






حلو شعرها صح !!
ايش خلى شعرها حيوي بالهشكل !!
ايش فرقنا عنها : الاهتمام بس لاغير
اول نقطه من نقط الاهتمام هي القص
راس مالها مقص بالبيت وكل شهرين نضفي شعرك من اطرافه
بتشوفين الشعر هيلثي وغير كذا الجذور كانها الاطراف مافيه شهابه ولا فيه تقصف ولا فيه المنظر الغبي اللي يصير من تحت واقف وفيه زي الحبوب , وععع

2- جذور شعرك طلعت ولا تقدرين تروحين لصالون طلي علينا هنا بالموضوع , مافيه مشكله تعالي نتفاهم كل شيء محلول بأذن الله بس نبي نروق , ونشتغل حبة حبة :
جربت اكثر من صبغه بعمري ما ارتحت على صبغه اكثر من هذي






هذي الصبغه تعطيك نعومه لشعر بعد الصبغه
وغير كذا ماتجفف الشعر ابداً وبشهاده كل اللي حولي
طبعاً انا شعري اسوووووووووووود واذا قلت اسود فهو اسود اللي يطول بالصبغه اجلس بالصبغه بين الساعه الى الساعتين واحياناً ساعتين ونص
ادري بتقولون مجرمه بس شعري كريه مايصبغ على طول
اشوف اللي حولي نص او ساعه بالكثير وهم متروشين
طبعاً العلبه بيجي فيها من فوق صوره لون شعرك وايش بيطلع يعني مصداقيه 100 %
اوووووول صبغه بحياتي اشوف كتابتها وتطلع لي نفس اللون






اذا صبغتي طلي كل نص ساعه على المرايه بنور ساطع وشوفي هل اللون تغير او لا
تقريبا اللون قبل الغسيل يفرق عن اللون بعد الغسيل بثلاث درجات بس

شرينا الصبغه وعرفنا الخطوات طيب كيف نصبغ , لان فيه كثير ناس تصبغ جوى البيت وانواع البقع
افرق الشعر كذا فرقه من الامام بهالشكل







ونفس الفرقات هذي اقسمها لقسمين واصبغي جذور شعرك لحد المرحله اللي تبين توقفين عندها
لفي شعري بالكاب البلاستيك ونستنى عليه




تروشنا وخلصنا وطلع اللون اللي نبغاهـ

3- نريح شعرنا يومين ونعمل له حمام زيت , مايحتاج مشغل احنا نسويه بالبيت :
أ- نزيت الشعر كله ونعمل له مساج باطراف اصابعنا
ب- نلفه بفوطه رطبه بمويه حاره وكل عشر دقايق تخلين الفوطه جوى المويه الحاره وتلفين فيها شعرك لمده نص ساعه
ج- وفيه طريقه ثانيه انك تلبسين الكاب البلاستيكي وتعرضين الاستشوار له , بس ماحبيتها مدري احس فيها اضرار على الشعر

عندك بحر من الزيوت اللي تقول لك زيت الخروع مافيه مثله
واللي تجيك تقول الخروع يسبب تساقط خذي لك جوز الهند
وكل واحد يحكي من نفسه
انا محاكيتكم جربت تقريبا اغلب الزيوت الى زيت عافيه حطيته في شعري وارتحت اخيراً على زيت السمسم
يعني الدعوه نوعيه شعرك ايش يناسبه , خلك من فلانه وعلانه وجربي انتي بنفسك وشوفي شعرك ايش يرتاح له
احياناً نروح مشغل يضبط الحمام زيت معي بس مايضبط مع اختي
لان فرق بين شعري وبين شعرها
والمشغل المضبوط هو اللي يشوف شعرك ويشوف ايش يحتاج

نحط في بالنا حاجه وحده الشيء اذا زاد عن حده انقلب ضده مسائله انك بالاسبوع تحطين 3 مرات زيت بشعرك هذا غلط , واكبر غلط كمان !
مره بالاسبوع او مره كل 5 ايام حلوه اذا كان شعرك معدوم ويبي له ترطيب !
بس اذا شعرك حيوي مره كل اسبوعين كفايه

4- خلصنا من الاهتمام بالشعر , نجي للوجه اول شيء نبدا بالوجه ككل :

د
ل
ع
ي
, دلعي وجهك هو مرايتك قدام الناس
وهو من خلاله يقدرون يحكمون على مظهرك اذا اوكي او لا



انا من الناس اللي ماحب خلطات وخرابيط واساسا بشره الوجه جدا جدا حساسه اول واخر مره حطيت تركبيه مدحوها لي قب وجهي حبوب
قالي الدكتور التركيبه فيها ليمون , والليمون وسط حمضي مايتحمله الوجه ابدا وبطلنا تركبيبات والتوبـــــــــــــــه

قبل النوم استخدم جليسوليد
لحد يناظرني , ايه جليسوليد , صفاء ونعومه وتحسين شيء بوجهك يملع وتوحيد لون كمان
صح اول الفتره ثقيل على البشره بس اسبوع وتتعودين عليه

غسلي وجهك كل صباح بصابونتك اللي متعودهـ عليها وارجعي لستريحتك اذا عندك دوام لاتنسين الواقي ليدك وجهك ورقبتك





هذا الشيء اتعب وانا اقول جمممممممممممميل , احسن واقي
طريقتي اذا بغيت اسأل عن كريم او حاجه معينه او أي حاجه طبيه :
روحي لصيدلي واساليه لاتاخذين راي دكتور لانو الدكتور احتمال يكون يسوق لمنتج معين
واذا اعطاك الصيدلي الاسم لاتشترينه على طول روحي و دوريه بكذا صيدليه
اذا حصلتيه بكل الصيدليات معناته صحيح انه كويس , واذا ماحصلتيه فاعرفي ان الصيدلي قاعد يسوق لشركه معينه

اذا ماعندك دوام مثل حالتي وجالسه لاشغله ولا مشغله اول ماتصحين وبعد ماتغسلين وجهك ورجعتي لمرايه غرفتك رشي على وجهك ماء ورد
اشتري لك علبه وفرغيها برشاش المويه حق التنظيف ويوميا رشي وجهك
مويه الورد تنعش وبقوه





brb

م.ن

لحد يرد , باقي تكملة

..

..

..