صواريخ كلامية تعبيرية مشهورة عند "بعض البنات"

 

هل قابلت هذا النوع من البنات؟
هذه صواريخ كلامية تعبيرية مشهورة عند "بعض البنات" , وهي نسبة قليلة ونادرة , بس يلا الروح الرياضية لازم تكون عالية. بدكم الصراحة انتوا احكموا بنفسكم.. ماذا تقول نوعية البنات هذه احيانا؟!

1- انا شاعرة اني بعرفك من زمان بتصدق ( اه محنا التقينا في المخيم الصيفي واحنا زغار)
2- حبيبي انا شاعرة انك غير عن كل الشباب , حاسة انك بتختلف عنهم كلهم ( عندو راسين يعني؟)
3- يا ريتني يا قلبي عرفتك من زمان ( ايوا ليش كاينة عارفة قبلوا حدا؟)

4- انا بطلعش من الدار , ولما اطلع بنزل راسي تحت ( طيب اوعي يصدم بالارض)

5- انا بحب الشعر ومن هواياتي الرسم والسباحة ( يعني رومانسية! نيالك)

6- انا بحبش اقعد بغرفتي وهي مبهدلة وبحب النظافة وما بعرف انام الا وهي نظيفة( هابتشي هابتشي..صحة.. عقلبك!)

7- نسيت اقولك احتمال اروح على سويسرا الصيف الجاي ( قصدك صيف 3050 الله يرحمك!)

8- انا بحبش الا اشتري من كاسترو وزارا ( وانا كمان!)

9- بابا وعدني يشتريلي سيارة اول ما اوخذ الرخصة( اه بابا وعدك طيب مش يشتري سيارة الو بالاول)

10- بتعرف نفسي نعيش في شارع الحب في بلدة الزهور (ياي رومانسية.. امش حلي وظايفك بسرعة)

11- فش بتلفوني كرت خلص بدي ابطل احمل تلفون ( يعني افهم اشتريلها كرت!)
12- اليوم اتقدم لي واحد اهلي بقولوا عنو كثير مليح بس انا بديش غيرك ( شد حالك يا زلمة لتضيع منك)

13- بتعرف شو نقطة ضعفي اني لما احب بحب من كل قلبي ( حبك برص وخمسة خرس)

14- بتعرف بحب العب تنس اشي كثير حلو ( العبي بساحة بيتكم شو المشكلة؟)

15- ما حدى بعرف عن العلاقة تبعتنا لانو مش معنية حدا يعرف ( يي يي مهي الدنيا كلها عرفت)

16- يا الله الوقت بمرق بسرعة لانو عيد ميلادي الاسبوع الجاي ( تنساش الهدية)

17- بدي اتعلم اسباني وايطالي وفرنسي لاني بموت باللغات ( طيب مش تتعرفي عربي مليح؟)