قصة التيتا المصرية

 

جايبتلكم اليوووووم تحشيش اختبارات عشان اليوم عندي اختبار إنجليزي<<:Coffee_lover:

فنبدأ ...............ز
الله أكبر الله أكبر
الجدة : يا رب.. يا رب بحق ده الآدان تنجح يا نون يابن ابنى وأشوفك دكتور أد الدنيا
الولد: ياستي بس أنا فى تجارة
الجدة-: وماله يابني هو يكتر على ربنا ...... ده ربنا قادر على كل شئ
الولد: - ياستي ونعم بالله بس اللى بيطلع دكتور لازم يكون فى كلية الطب مش التجارة
الجدة :- ياللا تجارة تجارة .. ومالها التجارة .. دى حتى التجارة شطارة .. ده -الله يرحمه- جدك كان تاجر في الوكالة أد الدنيا ( طبعاً الضياع بدأ )
الولد: - ياستي التجارة اللى فى الوكالة حاجة واللي في الكلية حاجة تانية
الجدة :ع العموم شد حيلك أنته وانا أخلي جدك يخدك معاه الوكاله عشان تتدردح وتتودك في السوق
الولد: - جدى إيه اللي هايخدنى معاه ..... ده جدي مات من زمان ياستي
الجدة : يامصيبتي عبد الواحد مات .. ياحبيبي ياأخويا .. مكنش يومك ياسبعي
الولد: - ياستي ده ميت من تلتين سنة
الجدة: - تلتين سنه .. ده العمر بيجري ياولاد تصدق ولا حسيت بيهم .... ياللا أهو غار في داهيه .... قطع وقطعت سيرته .. ده كان بخل الدنيا فيه ..
هو ما عمره دخل عليه ببطيخة ولاكيس جوافة ( لاتعليق )
الولد : ياستي حرااام عليكى عايز أذاكر بقى
الجدة : - يوه..وأنا ماسكاك ياوله.. ذاكر ... ذاكر عشان ربنا يكرمك وتنجح وتاخد الدبلون ( ومازال الضياع مستمر )
الولد : ياستي دبلون إيه .. اسمه البكالوريوس
الجدة : - أنته حتضحك عليه ياوله .. اسمه الدبلون الواد ابن فايزة جدع زيك كده فى مدرسة التجارة وخد الدبلون
الولد : - خلاص دبلوم دبلوم ياستي .. سيبيني بقى عشان أذاكر
الجدة: ذاكر ..ذاكر يا أخويا ذاكر ... تعرف ياواد .. ندرن عليا يوم ماتنجح لأكون رايحه خاطبالك عبير بت رئيسه .... دىإيه ياواد .. أدب وأخلاق ..وعلم كمان
الولد : ياستي عبير دي معاها أعدادية
الجدة: - وماله يابني ... الراجل مايعبهوش إلا جيبه
الولد: - راجل ... راجل مين ياستي ... عبير دي بنت
الجدة : - عبير ... عبير مين ياوله .. أنته بتعرف بنات من ورانا ياصايع... ()
السبب كله من امك
الولد: - لا إله إلا الله .... أبوس رجلك ياستي أرحميني بقه
الجدة: طب ذاكر .... ذاكر جتك نيله وأنته طالع براوي كده زى أمك....قطعت وقطعت سيرتها...أنامش عارفه أبوك كان أجوزها على إيه..حكم...قال لبس البوصة تبقى عروسة..بس والنبى.. النبى ...النبي نبي لكون مبوزه الخطوبة دي ومجوزاه أنيسة بت أختى ( كده فللله ع الآخرر )
الولد: - ياستي خطوبة إيه ..أبويا مجوز أمي من خمسة وعشرين سنة .. وبعدين أنيسة دى بنت أخوك مش بنت أختك ..وأساسا إنتي ملكيش إخوات بنات
الجدة: - صحيح ياوله ..أنته عندك حق أنا مليش إخوات بنات..أصلي أنا أمي ماكنتش بتخلف صبيان ( )
الولد: حرااااااااااااا ااااااااااااااا اااااام ............ستي ماتطلعي البلكونة شويه ...ده الهوا حلو بره
الجدة: لأ ياخويا....فى جدع كده حليوه وشعره مسبسب في البلكونه اللي في الوش بيقعد يعنيي؟؟( )
الولد: - خلاص روحى المطبخ ... أهو زمان أمي خلصت الرز
الجدة : رز...رز إيه يابنى....هوأنا ليه سنان أأدر آكل بيها الهوا بئا؟؟...أناهطلع البلكونه أحسن تعليق (ههههه)
الولد: - طب أبقي خلي بالك م الهوى والحب ياستي
الجدة: - هوى لما يلطشك يا بت يا جزمة انت
الولد : - الحمد لله أخيرا خرجت وقدرت أذاكر .. ياترى أنا كان إسمي إيه؟؟ ياترى كان إسمي إيه؟؟
انا مين انا ليييييييه؟؟؟؟ انا ازاااااااااااااااااااااااااااااااااااااااااااااااا اااااااااااااااااااااااااااااااااااااااااااااااااا ااااااااااااااااااااااااااااااااااااااااي !!!