اجمد النكت

 

ازيكم يااحلى اعضاء يارب تكونوا بخير

جابتلكم شوية نكت ويارب تعبجكم

مره واحد بخيل ماشي مع مراته في الشارع خبطتها عربيه بعت للاسعاف كلمني شكرا
-----------------------------------------------------------------------------
مره 2 مساطيل ماشيين مع بعض راح
واحد سال التانى هو التعلب بيولد ولا بيبيض راح قاله دا مكار توقع منه اى حاجه

--------------------------------------------------------------------------
مرة واحد بيعاكس واحدة سودة قالها

ياحلو انت ياسمر يا كوكاكولا قامت تافة عليه قالها و كمان بتفوري
-----------------------------------------------------------------------------
كان فى مره حفرة موجوده على
حدود قرية وكل ماحد يعدى كان يقع فيها ويدوخوا عقبال ماتيجى الإسعاف فواحد اقترح أنهم يبنوا مستشفى جنب الحفره قام واحد سمعه وقاله ياغبى احنا نردم الحفره ونرجع نحفرها جنب المستشفى
---------------------------------------------------------------------------

مرة اصحاب مسجد جابوا شيخ جديد فالشيخ بيسئلهم
انتوا مشيتوا الشيخ اللى قبلى ليه قالوا له عشان بيتاخر فى الصلاة ففي يوم الجمعة اول حاجة قالها الشيخ الجديد يا عباد الله اقيموا الصلاة فبعد الصلاة قالوا للشيخ انتا خلصت بسرعة ليه الصلاة قال لهم انتوا لسه شوفتوا حاجة ده الجمعة الجاية اجازة
----------------------------------------------------------------------------
اتنين مساطيل ركبوا اتوبيس بدورين اللي فوق سأل اللي تحت انتوا ماشيين بسرعة كام؟ قاله 80 و انتوا؟ قاله لا إحنا السواق لسة ماجاش.
---------------------------------------------------------------------------
مرة واحد رخم اوى وقع في حفرة ، قال احسن
---------------------------------------------------------------------------
مرة واحد زعلان مع مراته كتب لها ورقة مكتوب فيها صحينى الساعة 6 الصبح قام الساعة 11 لقا ورقة مكتوب عليها اوم اصحا الساعة 6
--------------------------------------------------------------------------
مره واحد سايق عربيه شاف يافطه مكتوب عليها ( خفف 100 ك) راح مخفف 100 ك لقى يافطه تانيه مكتوب عليها (خفف 50 ك) راح مخفف50ك لقى يافطه مكتوب عليها "اهلا بكم في مدينه خفف"
----------------------------------------------------------------------------
واحد غبى بيحلق دقنه التليفون رن عور نفسه علشان لما يرجع يعرف هو وقف لحد فين
---------------------------------------------------------------------------
مرة واحد غبي راح للدكتور و قاله "كل منطقة في جسمي بتوجعني" كشف الدكتور عليه مفيش حاجة وجعته سأله تاني "فين المنطقة اللي بتوجعك"، قاله "هنا و هنا و هنا" و هو بيشاور بصباعه في كل مكان و قاله "بص يا دكتور حتي راسك بتوجعني" فاكتشف الدكتور إن صباع المريض مكسور
---------------------------------------------------------------------------
مرة 3 تلاميذ اتأخروا عن الحصة الاولى ، و لما وصلوا المدرسة قالتلهم انتوا كنتو فين؟ الأول قال أنا ضاع منى الخاتم بتاعى، الثانى قال وأنا كنت بدور معاه، فسألت الثالث وأنت كنت فين؟ قلها كنت دايس عليه!!
---------------------------------------------------------------------------

واحدة ضاع ابنها الناس قالولها ماتخفيش الحلال مابيضعش قالت يالهوى ضاع الولد
=-=-=--=-=-=-=-=-=-=-=-=-==-=-===-====-=-=--=-==-==
لغز؟؟ شىء له جناحين وما يطير، له عينين ومايشوف ، له رجلين وما يمشى..ياترى ايه هو؟؟ عصفور ميت
=-=-=--=-=-=-=-=-=-=-=-=-==-=-===-====-=-=--=-==-==
واحد كهربائى اتجوز أربعة.......جابلهم مشترك
=-=-=--=-=-=-=-=-=-=-=-=-==-=-===-====-=-=--=-==-==
بياع جرايد ماشي ف جنازة أبوه عمال يقول "اقرا الفاتحة اقرا الفاتحه
=-=-=--=-=-=-=-=-=-=-=-=-==-=-===-====-=-=--=-==-==
مدرس إنجليزي بيسأل تلميذ "جوز هند بالإنجليزي يعني إيه؟" قال له "كوكونت"، الأستاذ قال له "حطها ف جملة مفيدة" قال له "كوكونت من الشباك.
=-=-=--=-=-=-=-=-=-=-=-=-==-=-===-====-=-=--=-==-==
واحد بيقول لصاحبه : اخويا استشهد في الحرب .
الثاني قاله ازاى ؟ اجابه : كان بيسوق طائرة هليكوبتر فشعر بالبرد...راح وقف المروحة ..
=-=-=--=-=-=-=-=-=-=-=-=-==-=-===-====-=-=--=-==-==
فيه واحد بلديتنا لمّ قرشين وراح مسافر بلاد بره ..لما وصل قعد يدور على اوتيل ملقاش فنام جنب حديقة فسرقوا فلوسه وقصوا كل شعره ..
.فلما قام ملقاش الفلوس فأعد يعيط فحط ايده على راسه ملقاش شعره فقال : الحمد لله مش انا
=-=-=--=-=-=-=-=-=-=-=-=-==-=-===-====-=-=--=-==-==

واحد صعيدي كان مسافر فلما وصل المطار لقاهم مركبين جهاز جديد عبارة عن مرايا لما تقف قدامها تعرف عنك كل حاجة, فالصعيدي انبسط و راح وقف قدام المرايا
المرايا قالت: أنت هريدي من الصعيد و عندك طيارة كمان نص ساعة
الصعيدي اتبسط و راح لبس خواجه و راح تاني وقف قدام المرايا,
المرايا قالت: انت هريدي من الصعيد و عندك طيارة كمان ربع ساعة
الصعيدي راح لبس خليجي و راح تاني وقف قدام المرايا
المرايا قالتله, ايوة انت هريدي من الصعيد خليك قاعد تستهبل كده لحد ما الطيارة تروح عليك

=-=-=--=-=-=-=-=-=-=-=-=-==-=-===-====-=-=--=-==-==
صحفيه تجرى لقاء مع واحد من ملاّك الأبقار
الصحفية : أنت بتأكــــل البقر إيه؟
المزارع : انهي فيهم البيضا ولا الحمرا؟؟
قالت : البيضا
قال : البيضا بأكلها برسيم
قالت : والحمرا
قال : و الحمرا برضو برسيم
قالت : طيب بتسكنهم فين؟
قال : انهي فيهم البيضا ولا الحمرا؟؟
قالت : البيضا
قال : البيضا بسكنها في الحوش الي هناك
قالت : والحمرا
قال : و الحمرا برضو بسكنها في الحوش نفسه
قالت : طيب لما بتفسحهم بتعملهم إيه؟
قال : انهي فيهم البيضا ولا الحمرا؟؟
قالت : البيضااااااااااااا
قال : البيضا بلف بيها حول الترعه لفتين
قالت : والحمرا
قال : و الحمرا برضو بلف بيها حول الترعه لفتين
قالت : انتا ليه كل مره اسئلك بتقولي انهو فيهم انهو فيهم
وفي الاخر بتعاملهم زي بعض؟
قال : اصل البقره البيضا بتاعتي
قالت : والحمرا؟؟
قال: والحمرا برضو بتاعتي

-=-=-=--==-=--=-=-=-==-=-=-=-=-=-===-==--

حدة حامل فى ثلاث توائم يوم الولادة الدكتور بيطلع العيل الأول لقاه نايم وساكت
قعد يضريه على وشه حتى صرخ الطفل ركنه على جنب وطلع الطفل الثانى لقاح زى أخوه قعد يضربه لما فاق وركنه
جه الدكتور يدور على الطفل الثالث مش لاقيه راح ماشى وقال للممرضة كملى لأنهم اثنين بس
الممرضة جت تكمل لقت الطفل الثالث طالع براسه بالراحة وبيسألها
هو الراجل اللى بيضرب العيال مشى ولا لسة
=-=--=-=--=-=-=-=-=-===-=-=-=-=====--==-=-=-=-
اليسا وهيفاء وهبي ونانسي عجرم راكبين قطار
وبيتكلموا عن فارس أحلامهم
إليسا قالت : نفسي أتجوز ضابط هيفا قالت :
نفسي أتجوز صيني نانسي قالت :
نفسي أتجوز لاعب كرة مشهور
سمعهم واحد
دخل عليهم وقالهم معاكوا العقيد شونج يونج الشهير بعمرو زكي
=-=--=-=--=-=-=-=-=-===-=-=-=-=====--==-=-=-=-
صعيدي مراته ولدت بنت الساعه 3 بعد نص الليل ...دبحها وجال ماعنديش بنات
تيجى آخر الليل
=-=--=-=--=-=-=-=-=-===-=-=-=-=====--==-=-=-=-

حشاش بيقول لصاحبه :
أنا حلمت امبارح أننا بقينا فنانين
.. أنت فنان تشكيلي ..... وأنا فنان أشكيلك
=-=--=-=--=-=-=-=-=-===-=-=-=-=====--==-=-=-=-

مره واحد تاجر كتاكيت ماشي بالعربيه وفيها كتاكيت وقفته لجنه تموين وقال له المفتش: الكتاكيت دي بتأكلهم ايه؟ رد عليه وقال له : ذرة يا بيه..... فقال له المفتش انتو ما بتفهموش حاجة الكتاكيت دي بتاكل علف........ وراح عمله غرامة 1000 جنيه.... راح مشي التاجر بالعربيه وهو في الطريق وقفته لجنه تموين تاني وقال له المفتش انتي بتوكل الكتاكيت دي ايه قال له رد عليه بوكلهم علف يا بيه فقال له المفتش انتي حمار انتي بهيم دي بتاكل ذرة وعملل له غرامه 1000 جنيه وبعد شويه وهو ماشي وقفته لجنه تموين تاني وقال له المفتش انتي بتوكل الكتاكيت دي ايه قال له يا بيه انا كل يوم الصبح ادي كل كتكوت جنيه وهو ياكل اللي عايزه


=-=--=-=--=-=-=-=-=-===-=-=-=-=====--==-=-=-=-
ثلاثة مساطيل قاعدين في سهرةالأول : أنا عندي فلوس أشتري فيها أمريكا الشماليةالثاني : وأنا عندي فلوس أشتري فيها أمريكا الشمالية و الجنوبيةالثالث : ومين قالكم إني هابيع
=-=--=-=--=-=-=-=-=-===-=-=-=-=====--==-=-=-=-
ظابط مسك واحد مسطول بالليل كان معاه حشيش سأله انت بتشرب حشيش؟ قاله ايوه يا باشا،وبتاجر فيه كمان؟ قاله ايوه ، تاني يوم اتعرض على النيابة سأله وكيل النيابة انتبتشرب حشيش؟ قاله لا يا بيه، طب بتاجر فيه؟ قاله لا يا بيه قاله ليه قلت للظابط كده؟ قاله كنت مسطول يا بيه
=-=--=-=--=-=-=-=-=-===-=-=-=-=====--==-=-=-=-
مدرس انجليزى بيسأل تلميذ بيقوله لو عايز تقول لواحد تعالى هنا تقوله ايه؟ قاله : اقوله come here قاله : ولو عايز تقوله ارجع هناك تانى ؟ قاله : الف من الناحية التانية واقوله come here.

=-=--=-=--=-=-=-=-=-===-=-=-=-=====--==-=-=-=-
عريس مسطول على الآخر في يوم فرحه..بعد المعازيم مامشيوا دخل البيت لقى العروسة قاعدة، قال والله انا كنت عارف في الهيصة دي هاينسوا حد!

=-=--=-=--=-=-=-=-=-===-=-=-=-=====--==-=-=-=-
اهبل مشترك في مسابقة أسرع رسمة رسم نقطة وقال: ده فيل جاي من بعيد


صعيدي سألوه ماهو السيفون؟؟قال:صندوق بحبل لما تشده ياتلحق تشرب يا متلحقش.

=-=--=-=--=-=-=-=-=-===-=-=-=-=====--==-=-=-=-
.. محشش سايق إسعاف في الحرب نقل 35 قتيل

! سمع في الراديو سقوط 30 قتيل

! وقف وفتح الباب وقال: الخمسه اللي يستهبلون ينزلون دلوقتي
=-=--=-=--=-=-=-=-=-===-=-=-=-=====--==-=-=-=-

!! محشش إشترى لأمه عصفورين

!! واحد يغرد والثاني ساااكت

!!سألته أمه : ليه الثاني ساكت ؟

! قالها ده الملحن

=-=--=-=--=-=-=-=-=-===-=-=-=-=====--==-=-=-=-
محشش جابوه للقاضي قاله لو قلتلى 10 حاجات بتعملها من ساعة ما تصحى لغاية ما تنام وتكون تبدا بحرف الالف حسيبك؟ قاله المسطول: اجيبها واحرقها وافرطها والفها و اولعها واعمرها وامخمخ انسطل اطفيها انام
=-=--=-=--=-=-=-=-=-===-=-=-=-=====--==-=-=-=-
عملوا جائزة مليون جنيه للي عنده 10 عيال.واحد عنده تسعة قال لمراته أنا كنت
متجوز عليكى ومعايا ولد أروح أجيبه ونكمل العشرة ونكسب الجايزة.راح ولما رجع ملقاش العيال سأل مراته فين العيال قالتله كل عيل أبوه جه خده
===--==-=-=-=-=-===--===--=-==-=-=-=-===-=-=-=-=-=-=-=-=-==-=