أحلى شيء عن المدرسه هههههههه

 

السلام عليكم ورحمة الله وبركاته

من قبل المدرسة بأسبوعين وأنا اسمع كثير من الناس كثير من افلام الكرتون كثير من الحيوانات بعد (زي عوعو كاتي ما ادري طوطو كاتي ذي)
وهم يقولون الشي نفسه (اشتقت للمدرسة!!) وأنا أفتح فمي على كبره (وتطلع الروايح) ايشش ييييعع معقولة أحد يحب المدرسة ولا الي موتني قهر أنهم مسوين لها مهرجان
ومرات بعضهم يسوي نفسه حساس وعاطفي وحنون (يا ليته شاف وجهه) أنا أشتقت للتفاصيل الصغيره في المدرسة ويردون علي باستغراب أنت تكره المدرسة ليه؟؟؟

أنا أقلكم يا حلوين ليه أنا أكرها وأكرها أكثر بتفاصيلها الصغيرة بعد (حتى أنا عندي أحساس وحاجة أظن أسمها مشاعر) نبدى على بركة الله وهذا ثلاثين تفصيل نونو مو صغير بعد

1- لما أقعد بالليل أتفرج على التلفزيون ويكون بكرة مدرسة وناوي أنام بدري والا فلم ورا فلم حتى تصل الساعة ثلاثة وأقعد أفكر أنام ولا أواصل أنام ولا أواصل وبعدين أختار أنام ويأذن الفجر

2- لما يقوموني الصبح يشولون عني البطانية يضربوني بالمخده يطفون المكيف يضربوني بالشبشب حق الحمام وأنأ أقاوم وأقاوم وأخيراً يصبون علي مويا بارد وأقوم أرتعد وألبس ثوبي

3- لما أروح للمدرسة على رجولي وأمشي مترنح كاني سكران وكل السيارات حولي دق علي بواري والي يسب والي يلعن والي يبي يدعسني عمد وأنا أمشي وأتمتم بالشهادة (الله يزقنا اياها)


4-لما أصل المدرسة وأدخل الطابور على أخره والكل صاف أمشي مسوي نفسي قوي وشخصيه والكل مدرسين وطلبة عيونهم علي يراقبوني إلا وأنا متعنقش وطايح لهم بالساحة

5- لما أجي متأخر والناس صفت وراحت للفصول وأوقف مع طابور المتأخرين يجي مدرس الرياضة (مدرس رياضة وكرشه أكبر منه تصدقون!!) ويسامح الطلاب كلهم ويخليهم يروحون إلا انا وأسئله ليش ما أروح

معهم يا أستاذ يرد لأن وجهك يقهر (وش أسوي صادق)

6- لما أدخل الفصل تعبان ودايخ واحط راسي وأنام إلا وأنا مطلق لي (حاجة منيلة في ستين نيلة) وتقومني ضحكات الطلاب قبل ايديهم(ما يمديني اصرفها واقول بلساني إلا أذا تجرأت وقلت كنت أتحلم)

7- لما يصيبني أسهال (الله يكرمكم) بنص الدوام وثوبي أبيض وشفاف بعد (ما لي غيره)

8- لما المدرس يجلس يشرح بدرس ويتترجم لمخي خرابيط خرابيط خرابيط BLA BLA BLA BAL ويجي الأمتحان كله من الدرس هذا

9- لما يتكلم علي واحد من الكلاب المتنمرين وأرد عليه وأقول له أقابلك بالصرفة ويطلع نص عيال المدرسة عيال عمه والنص الثاني عيال خاله وأبوه المدير (ليش ما لي قرابات زي كذا)

10 - لما أقول لنفسي المنتمرين ضعيفين يعتمدون الظلم لتبرير خوفهم وأتورط مع واحد لا قال شي سواه

11- لما أكون لي صداقة مع واحد بالفصل وحبة حبة لين ما أقول له سر من أسراري وثاني يوم ينشرونه بالاذاعه

12- لما الفصل كله وواحد من المدرسين يتفقون على رحلة لأستراحة وما يعلموني ولما يرجعون ثاني يوم يسئلوني محمد حبيبي ليه ما جيت معانا (والله والله صارت لي صدق)

13- لما أحل الواجب بالفصل ويكشفني المدرس ويقطع الدفتر (دايماً تصير)

14- لما أرجع من المدرسة الظهر وريحتي فاقعة وأقعد ألعن طول الطريق بالمدرسة ومن فيها وقبل ما أصل البيت تصدمني سيارة على خفيييف

15- لما أنام الظهر وأقوم المغرب منخرع ألبس ثوبي وأرتب الشنطة وأطلع بالشارع ويلحقوني عيال الحارة الصغيرين ويقولون مهبول مهبول

16- لما تجي حصة رياضة وأقول يلله خلني ألعب معهم واقعد أركض واركض ورجلي ما لمست الكورة

17- لماتجي حصة فاضية ويتكونون الطلاب قروبات وكل واحد جالس مع أصدقاءه-ربعه-صحابه-رفئاته-his frends
ويتركوني لحالي بس واحد يلتفت علي ويناديني وأنا أقوم من الفرحة شايل كرسيي وهو يقول (معاك قلم زايد)

18- لما الحصة الثالثة يعاقبني المدرس ويخليني اوقف الحصة كلها وأنزل الفسحة ألقى كل شيء مخلص بالمقصف

19- لما أقعد أكتب خواطر وخرابيط شعرية على ظهر الكتاب ويكشفني المدرس ويقراها قدام الطلاب

20- لما أسوي نفسي نايم وأسمع كلام الطلاب وهم يحشون فيني وأقوم واعطيهم نظرة عشان يسكتون بس هم يضحكون ويكملونها بوجهي (بعضهم محترم يستناني لين ما اقوم)

21- لما أجلس قرفان حياتي وقاعد أكوي ثوبي إلا وأنا تاركلي هذيك البقعة السوداء عليه وأبوي يحلف علي أني رايح رايح للمدرسة (حتى لو أنقطع راسي عادي أشيل الراس بيد والشنطة بيد)

22_ لما أتهاوش مع مدرس واشتكيه للأدارة وأجيب أبوي ويقول كلمته المفضلة منذ الأزل خذوا اللحم وعطوني العظم (ليه أنا دجاجة من مطعم بخاري)

23- لما أروح لغرفة المدرسين علشان أسلم الواجب وتكون الغرفة مليانة مدرسين ولما أطلع ضحكاتهم تلحقني للفصل

24- لما تجي حصة علم النفس ويكون الموضوع عن المتخلفين والمعقدين والأستاذ يضرب الامثلة علي

25- لما ألبس بدلة رياضية بحصة الرياضة وتطلع مشقوقة على الركبة (وعلى مكان استحي أقولة)

26- لما أكون منزوق وأروح للحمام (االه يكرمكم) ووقتها يكون المويا مخلص

27 لما يسوون حفل تافه ويجمعون المدرسة كلها ويحشرونهم بالمصلى وأنا أكون مندس (مختبئ) بالفصل ويكشفوني ويجيبوني غصب عني للحقل الزفت كأنهم يبون يعدموني

28- لما يوصلني واحد من عيال الفصل للبيت ويقول لي معقولة أنت ساكن هنا ؟؟

29- ولما أصدقائي الي كانوا معاي بالأبتدائية والمتوسطة تركوني وراحوا لواحد أكشخ وأحلى ويعرف يكذب

30- لما أطلع بعمري وذكرياتي عن المدرسة وأشوف نفسي فيها مجرد ولد قبيح ذو حظ عاثر

أتمنى أعجبتكم رجاءاً أتركوا تعليقاً

اهداء إلى أعز أصدقائي (ابتسامة شيطان,FOKAK,Ṧĉèŋé βǿЎ__ẋẌ , وإلى أختي (Cutest Emo)

 

 

nice