- Faces -

 

- السلام عليكم -

مافي حد فينا مايحب التصوير او علي لأقل عندك صور قديمه محتفظ فيها كذكرا....

صورتك ونت صغير او صورة امك.. يدتك.. يدك وعائلتك وغيرها ,بس احيانا تكون هذه الصوره

مشوهه شوي يعني مخدوشه من قبل أو حد من اليهال مشخبط عليها او حتي انه في الصوره

نفسها عيب مثلا العيون فيها نقطتين حمر او بلصدفه مصور وانت هب جاهز وقتها فظاهره عين كبيره وعين صغيره

... مغمض, كنت اقرع فاذنك ظاهره كبيره ... شعره ناطره قاهرتنك, نخامه ظاهره بلغلط ههه (امزح) المهم ... الخ


انا اعرف انك يمكن تقول فنفسك هذه اكيد الحين ناقله الموضوع من النت وراقعتنه هني وقالت يالله هذه موضوعي

المميز, لا والله انا من 3 سنين قطعت النت وكانت لي مواضيع مشابهه لهذه الموضوع بس الناس تتطور مع الوقت..

انا اتعامل مع برنامج الفوتوشب من 8 سنين واحب اعدل صور هليه والحمدالله تعلمت هذه الشي بنفسي وبالاخص من مجله

computer art المعروفه لاني اعشق الفوتوشب والرسم واي شي يخص الفن...

فقرر اليوم افتح موضوع مختص بتعديل الصور بس انا بصراحه لاني

ماريد افرفر مواضيعي فكل مكان واسوي زحمه لهذه المنتدي المرتب فبفتح موضوع واحد بس وكل مره بضيف

درس (واتمني من الاعضاء الباقين انهم يراونا ابداعاتهم بلتطبيق) لانه والله الموضوع حلو وهب صعب

نفس مالكل يتخيله وماله داعي اصلا تودي صورتك عند واحد يعدلها لك ويدبغك بثمن مرتفع, لا انت

بنفسك نزل هذه البرنامج وعدل فيه علي راحتك وتقدر بعد تبدع فيه ومع الوقت بتصير

عندك خبره تفتخر فيهاعند ربعك بس الله يخيلك لاتاخذ منهم بقشيش ههه ( بعد امزح)


وهذه موقع لتحميل برنامج Adobe Photoshop 0.7 ME هذه الاصدار قديم شوي

بس انا احب هذه الاصدار وبعد يكتب عربي والموقع مضمون

[لا يمكنك مشاهدة الرابط يجب عليك التسجيل اولا. ]

اضغط علي الصوره للتحميل

رقم الضغط السرّي :
moon15.com
رقم التسجيل
s:n/ 1045-0203-9978-9535-2220-4431
حجم الملف: 174.24 MBs




دام انك دخلت وقريت المقدمه الطويله العريضه اكيد الحين انت متحمس للشرح المبسط اللي ماتتخيله طبعا

انا بشرح لك بلمبسط بلا تعقيدات في الشرح وبستخدام طريقه الprint screen

لانه كل المبدئين واللي اول مره فحياتهم بفتحون الفوتوشب بيخافون من كثره الادوات والخيارات

فانت شوف الصوره وطبق وصدقني اكيد تطبيقك بيضبط لاتخاف

نبدا اليوم بشرح طريقه تلوين العين وكلنا طبعا اغلبياتنا عيونا بني غامق اوعسلي

وانت او انتي يمكن ودج بعيون زرق او خضر او رماديه او حتي بنفسجيه



[لا يمكنك مشاهدة الرابط يجب عليك التسجيل اولا. ]

نفتح الصوره اللي نباها من File وبعدها Open

[لا يمكنك مشاهدة الرابط يجب عليك التسجيل اولا. ]

ونشوف وين حافظين الصوره ونختارها انا كانت الصوره اللي أخترتها علي سطج المكتب

[لا يمكنك مشاهدة الرابط يجب عليك التسجيل اولا. ]

تلوين العيون نفس كانك تمسك فرشاه وترسم فوق العين بس عشان يكون شغلنا دقيق شوي

فنختار اداه لتحديد محيط العين اسم الاداه Polygonal Lasso Tool اذا ماظهرت لك روح عند الاداه وضغط كلك يمين

من الماس وبيفتح لك ثلاث خيارات من الادوات نحن بنستخدم ثاني وحده

[لا يمكنك مشاهدة الرابط يجب عليك التسجيل اولا. ]

ونرسم حولي سواد العين (لاتم ضاغط علي الاداه بس ساو نقاط اللين توصل لاول نقطه سويتها)

[لا يمكنك مشاهدة الرابط يجب عليك التسجيل اولا. ]

والحين نختاره الفرشاه اللي بنرسمبها سواد العين اسمها Brush Tool

[لا يمكنك مشاهدة الرابط يجب عليك التسجيل اولا. ]

وعلي نفس الصوره نسوي كلك يمين وبتظهرلنا فرش نختار منها اللي تكون دائره كامله

نفس اللي في الصوره او اللي تريحنا في التلوين

[لا يمكنك مشاهدة الرابط يجب عليك التسجيل اولا. ]

بعدها تبدا بتلوين العين... ماله داعي أنك أدقق وايد في التلوين

لانه مابيتلون عندك الا عند الدائره اللي انت رسمتها

[لا يمكنك مشاهدة الرابط يجب عليك التسجيل اولا. ]

الحين نغير شفافيه الدائره اللي رسمناها من المكان اللي في الصوره تحت كلمه Layers

وهني عند صورتنا بنختار Overlay

[لا يمكنك مشاهدة الرابط يجب عليك التسجيل اولا. ]

وهذه هو الشكل النهائي للعين (طبعا تقدر تلون العين باي لون يعيبك اخضر بني ازرق.. الخ)

[لا يمكنك مشاهدة الرابط يجب عليك التسجيل اولا. ]

اذا مثلا غلطت وولونت منطقه كبيره وماعرفت شو تشوي في محايه اسمها Eraser Tool

وتروم بعد تغير حجمها بانك تضغط كلك يمين علي الصوره نفس ماشرحنا فوق لأداه الفرشاه

[لا يمكنك مشاهدة الرابط يجب عليك التسجيل اولا. ]

اذا عيبك لون عين شخص وبغيت يكون لون عينك نفسه تروم تفتحها وتختار اداه

اسمها Eyedropper هي تكون علي شكل قطاره العين وتشفط لك اللون من الصور

وأخيرا اتمني اشوف بعض التطبيقات عشان اتشجع واكمل الموضوع في هذه المنتدي

وهذه بعض تطبيقاتي




الصوره الاصليه



تلوين العين بللون الازرق

-------------------------------------------------------------------



الصوره الاصليه



تلوين العين بللون البني

-------------------------------------------------------------------



الصوره الاصليه



تلوين العين بلون الاخضر

-------------------------------------------------------------------



الصوره الاصليه



تلوين العين بللون البنفسجي

-------------------------------------------------------------------



الصوره الاصليه



تلوين العين باللون البني

-------------------------------------------------------------------

طبعا مابقول انتهي الموضوع واتمني انه يعجبكم وبس لانه الموضوع بعده له تكملي

وكل ماطول الموضوع كل ماصار اخطر....