بشروه اني برحل من حياته..

 

بشروه اني برحل من حياته
بشروه وفرحوا فيني ذويه

كفنوا جسمي بماضي ذكرياته
وادفنوني في المكان اللي يبيه

واطلبوا منه إذا خلص صلاته
فوق لحدي يحمله براحة يديه

ولي وصل قبري وحقق له مناته
يدفن انسانه تحبه وتموت فيه

علموه اني وربي من غلاته
أعشق تراب مشت رجله عليه

حلفوه يشد ويقوي ثباته
لا ينزل دمع يجرح له عينيه

باكر بيندم ويصحى من سباته
يحتظن قبري يبكي يرتجيه

يعتذر عن جرحه وظالم سواته
معترف بالذنب لكن بعد ايه

ما يفيد الصوت دام الفوت فاته
من خذاه الموت وش له يرتجيه

اطلبوه يسمي وحده من بناته باسمي
وطيفي مع بنته يجيه

طمنوه اني مسامحته لذاته
وبشروه الله يرضالي عليه

وادفنوه بجنبي إذا حانت وفاته
جنب وحده وربي روحها فيه

 

 

ما يفيد الصوت دام الفوت فاته
من خذاه الموت وش له يرتجيه


يااااااااااااااااااااهـ

واللهـ كلماااااااااااات رووووعهـ تسلم يدك وجداان


تقبلي مروري


سي يوو