قصة من تأليفي الحب الأخير

 

سلام سلام سلام بقوه
كيفكون يا حبايبي
اليوم كاتبلكم قصه من تأليفي وهادي وحده من قصصي اللي ان شا الله على قدام انزلكم هيا
وهي القصه بالعامي وتراها هييييييييييصه
يعني فيها فله وفيها رومنسيه <<<<< اللي يحبو قلبكم
طيب اسيبكم مع القصه
*******************
كانت جوليا قاعده على المرجيحه اللي جمب المسبح في الصباح في بيتهم فدقت عليها صحبتها
فردت جوليا وقالت بملل :الو ..
آشلي : ألو .. كيف حالك ؟
جوليا : حمدلله وأنتي ؟
آشلي : زيك .. اسمعي بأقولك هرجه
اتحمست جوليا فعدلت نفسها وقالت : ايش ؟
آشلي : انا اليوم رايحه عيد ميلاد ولد جيراني وتدري هو يسير صاحب مايكل ... قوليلي مبروك يعني حأشوفو هناك
جوليا : الله يقطع شيطانك حسبت هرجه أليمه ... واللي هيا عن حبيب القلب
آشلي : عديتها المره دي .. عشان أباكي تجي معايا أبا أوريكي أحد
جوليا : مين ؟
آشلي : بلا لقافه ... بس اهم حاجه اتشيكي وخليكي كوووووول طيب
جوليا : أكيد بتشبكيني معاه .. ترا من دحين اقولك ما ابغى أحب ولا اشبك .. خلاص يا آشو افهميني بطلي محاولاتك
آشلي : لييييييه ... مو حلو لما أحب لحالي .. يالله حبي حبي
جوليا بتريقه : طيب من عيوني دحين أحب
آشلي : جوجو لا تسيري تقيلة دم
جوليا : والله محد تقيل دم غيرك لأن الحب يا قلبي يتقل الدم
آشلي : مين قال
جوليا : انا
آشلي : طيب زعلت يعني أنا تقيلت دم طييييييييييييب
جوليا : ايون ... ولا عمرك شفتي احد يقعد يسرح والناس يرقصو حولينو ويفلوها ولما أحد يسألو (( فين وصلتي )) تقولي بلا هباله انا مني مسرحه
آشلي : جوجو : بطلي إحراجات ... والمهم تعالي اليوم وأتشيكي رغمنو ما يحتاجلك الا خطة كحله وملمع شفايف وتسيري ملااااااااك
جوليا : آشو بلا احراجات ...
آشلي : طيب سلاااااااااااام أنا رايحه أعبي ملابسي عشان أبا أسير أحلى وحده وترى حأمر عليكي
جوليا : اوكيه سلام يا قلبي
وقفلت وهي تبتسم فقامت وراحت عند أبوها ديفيد وقالتلو على الحفله فقالها طيب وراحت الحلوه تعبي ملابسها
فخرجت كل فساتينها وفردتها فوق السرير وقاعده تختار وما عجبها شي فراحت لغرفة امها ماري فدقت الباب ودخلت
جوليا : ماما ؟ مني عارفه ايش البس
امها : ليه فين رايحه ؟
جوليا وهي تقعد فوق السرير : عيد ميلاد جيران صحبتي آشلي
أمها : طيب ألبسي فستانك الأحمر
جوليا : لا يا ماما كلهم شافوني بيلو
أمها : طيب البسي الفستان الجديد
جوليا : والله ... طيب
وراحت عبت الإكسسوارات والكعب والشنطه ولما خلصت كان الضهر
وفي الليل جات آشلي واخدت جوليا معاها ولما وصلو نزلو من السياره <<< طبعا نزلو ولا كيف حيدخلو الحفله هههه
ولما دخلو جريت آشلي على مايكل وهي ماسكه جوليا بيدها وكانه واقف جمب مايكل واحد مررره كووووووول وحلوووو <<< اتخيلو معايا بس لا تحسبو مهند اوكيه لانو احلا بكتير طبعا
فقالت جوليا وهي تغمز لمايكل لانهم مخططين
فقال مايكل : آشو وجوليا أحب أعرفكم على صاحبي جاك
فمد جاك يدو لجوليا وآشلي وقال : أتشرفت
آشلي : الشرف ليا
وغمزت تاني لمايكل
فقال : جوليا تعالي ابى أقولك شي
وراحو وسيبو جوليا مع جاك
فقالت جوليا في عقلها : يعني سويتي اللي في بالك حسابي معاكي يا دبه
فقال جاك : أممم انتي جوليا صح
جوليا في عقلها : يستهبل
فما جاوبت فارتبك وقال : آآآه طيب انتي قد آشلي يعني قدي
جوليا : إيوه وانا صحبتها من الروضه وانتا ايش تسير لمايكل ؟ <<<< حتى هيا تستهبل
جاك : انا صاحبو
جوليا : أممممم طيب تعال نقعد على الطاولة أنا تعبت عشان الكعب عالي
جاك وهو يسحبلها الكرسي : طب ليش تلبسي شي يتعبك
جوليا : آشو قالتلي اتشيكي وانا اصلا ما احب الكعب و الفستان كان نفسي بسبورت
جاك : يب انتي عندك صحبات تانيين غير آشلي
جوليا : لا ... هي الوحيده اللي من جد اعتبرها صحبتي لانناكل شي نقولو لبعض
جاك : يعني عندك تانيين ؟
جوليا : طبعا أنا مني إنطوائيه ... وانتا ؟
جاك : لا أنا عندي تلاته أصحاب هم مايكل و وليوناردو ورافاييل
جوليا في عقلها : اممم سلاحف النينجا ههههه بس بقي هو يسير اسمو دوناتيلو ههههه
فابتسمت فقالها : تبي تشربي شي
جوليا : لا شكرا
جاك : الا تشربي أنا رايح اجيب كولا وانتي
جوليا : خلاص طيب جبلي زيك
جاك : من عيوني
فقعدت تتفرج في الناس فلقت آشلي ومايكل قاعدين يضحكو مع شلة مايكل فشافت واحد منهم وكان ليوناردو وانهبلت فيه فقعدت تطالع فيه وهي تبتسم فجا جاك وحطا الكولا قدامها وقعد قدامها وهي لسه مسرحه في ليو ناردو
فقال جاك : جوجوووو
فقالتلو وهي تطالع في الكولا : متى جيت !
جاك :!؟
جوليا : دولاكا اللي مع آشلي ومايكل هم أصحابك اللي قلتلي عنهم
جاك : ايوه وشوفي داك اللي لابس كاب هادا هو رافاييل والتاني االي بلوزتو خضرا وبيضا هادا ليوناردو
جوليا : أمممم
فقال جاك وهو يطالع فيها : آآآ ... أممم .. جوليا
جوليا وهي تحط المصاصه في فمها : نعم
جاك : انتي تحبي ؟
جوليا : لا ابدا
جاك بصوت واطي : بركه
جوليا : ايش قلت ؟
جاك : لا ولا شي .... تعالي دحين مات حيقطع الكيكه مع حبيبتو <<<<< ايش الفله ديه ههههه
وراحو وشافو الزلمي وهو يقطع الكيكه وصفرولو وصفقولو وسوولو هييييييييييصه لما سار شعرو كلو بخاخ تلج خخخخخ
***********************
بكده خلصنا الجزء الاول
انا قلت انزلها على اجزاء كل اسبوع تقريبا عشان لا تطفشو منها ازا كانت طويله
طيب ممكن طلب ؟ اكتبو رايكم بصراحه اوكيه
اوكيه اشوفكم عخير
سلملم

 

 

يب يب كملها انا احووب اقرا قصص مرا كتير

وعجبتني واللهي

استنااك

سيييييا

 

 

مرا قصة نااايس

يعطيك العافية

 

 

مرررررآآآ نآآآآآآآآآآآآآيس يسلمووو يآآ عسل^^

 

 

الله يعطيكم العافيه يا حلوين

 

 

مررا فله القصة بس كانومتأثر بلانمي كككك

فانتضار التكملة وووثانكس