الحب الأخير

 

ولاكم حبايبي ... كيفكون؟! ... عساكم بخير ؟!...
طيب هيدا الجز التاني من القصه (( الحب الأخير ))
أتمنى يعجبكم
وأسيبكم مع القصه
*******************
وفي صباح اليوم اللي بعدو :
كانت جوليا طفشانه فدقت على آشلي فما ردت عليها
فقررت تروح السوق تتمشى
فقالت لمامتها وااخدت فلوس منها وراحت السوق برجولها
قاعدة تلف من محل لمحل وخرجت بتلات أكياس فراحت دخلت محل اغاني الروك وهي متحمسه
ودخلت لملمت كم دي في دي وراحت تحاسب
فحطتها على الطاوله وقاعده تخرج محفظتها من الشنطة
فقال صاحب المحل : كأني شفتك من قبل
فطالعت وقالت : آآآه إنتا ليوناردو ؟
ليوناردو: ايوه .. طب كيف عرفتيني
جوليا : انا صحبت آشلي ومايكل وجاك وهم عرفوني عليك بس يوم عيد الميلاد أمس
ليوناردو : طيب ايش اسمك ؟
جوليا : جوليا
ليوناردو : اه طب قلتيلي كان قلتيلي من اول ... كان عملتلك تخفيض
جوليا وهي مكسوفه : لا شكر ... ما تقصر ... طيب باي أنا ماشيه
ليوناردو وهو يخرج من ورا الطاوله : لا استني انا جي معاكي لانو دحين وقت راحتي
فقالت : طيب
فخرجت وخرج وراها وقال : هاتي اشيل عنك الاكياس
جوليا : لا مايحتاج مهي تقيله
ليوناردو : لا هاتي اشيل عنك والله اشيلها هاتي يالله ما يسير أمشي جمبك وانتي شايله أكياس عيب
فقالت جوليا : طيب .. انا نص وانتا نص
فأخد ليوناردو كيسين و هي كيسين
فقال : انتي قدي صح ؟
جوليا : ايوه
ليوناردو : حركات ... والله ماقد قالي مايكل عنك
جوليا في عقلها : ايوه هم بس فاضيين يسوولي مقالب يبغوني احب أي أحد عشان لا اتريق عليهم
فقالها ليوناردو : جوليا اشبك ؟
جوليا : لا ولا شي
ليوناردو : تعالي نقعد في الكوفي نشرب شي
جوليا : طيب
ولما قعدو قال ليونارو للنادل : 2 كولا بارد <<<< لا مايسر خلي مغلي خخخخخ
جوليا : كيف عرفت إني احب الكولا ؟؟؟!!!!!..
ليونارو : انا شكيت لانو الاشرطه اللي اشتريتها اليوم هي الاشرطه اللي احبها فقلت يمكن نفس ذوقي
جوليا : اها
فقالت في نفسها : رغمني ما اخترتها بنفس لانو انا اشتريتها عشانها جديده
فقعدو يهرجو فدق جوالها فردت : ألو
آشلي بعصبيه: ألو هاه .. الو هاه ؟
جوليا : إيش في ؟
آشلي : ليش تدقي عليا في الصباح ما تعرفي اني نايمه
جوليا : معليش كنت طفشانه
آشلي : طيب خلاص ... قوليلي دحين انتي فين عشان اجيكي ازا ما عندك أحد
جوليا : لا معايا أحد
فطالع ليوناردو فيها من فوق مصاصة الكولا
فقالت : معايا ليوناردو
آشلي : ليوناردو .. ليوناردو ... بعينو وخشمو ؟؟؟؟
جوليا : ايوه
آشلي : اها ما شالله ايش عرفك بيه
جوليا : جاك عرفني عليه
آشلي : ما شالله تبارك الله ديت من ورايا
جوليا بخجل : لاااااااااااااا مو ديييييييييت
فطالع فيها ليوناردو وقعد يبتسم
فقالت جوليا : آشلي بعدين معاكي خلاص بكلمك بعدين
آشلي : أووووف مره انتي مو وش حب ..... سلام
جوليا : باي
فسكت الجوال فقال ليوناردو : هادي آشلي صح ..
جوليا : ايوه
ليوناردو : ههههه تحسبنا في ديت
جوليا وهي تشرب الكولا بكسوف : هي دايما تقولي كده
ليوناردو وهو يتكا بيد على التكاية الكرسي وحط اليد التانيه على فمو وهو يضحك فقال : ليش ؟
جوليا : عشان انا دايما اتريق عليها هي ومايكل عشانهم في رومنسيه لاني ما احب الحب وما اكرهو وهم كل يوم يدورولي على واحد
فعدل جلستو وقال : جوليا ... بسألك سؤال
جوليا بحماس : ايوه ؟
ليوناردو : عمرك شفتي أحد وحبيتيه من اول مره ونفسك تضميه ؟
جوليا : أقولك انا ما أحب أحد تقولي عمرك حبيتي ... شو هايدا لكان ؟
ليوناردو : إمممم ... طيب سؤال تاني
جوليا : ايوه ؟
ليوناردو : انتي محا تحبي في حياتك ؟
جوليا : يمكن والله بس الين دحين ما ادري
فشافت جاك من بعيد يجري عليها فقال وهو يمسك يدها ويقومها : جوليا انتي هنا ... هلا نورتي المول حقنا
جوليا وهي تطالع في يدو اللي على يدها : ايش بك تجري فضحتنا قدام الناس
فطالع ليوناردو في جاك وقال : هلا يا جاك ...
فطالع جاك في ليوناردو واستغرب فقال : ايش جابك هنا
ليوناردو : أنا وجوليا في ديت
فاتضايق جاك فقالت جوليا : لاااااااااا مو ديييييييييت ... ليو لا تسوي زي آشو والله انتو الاتنين ما تستحو
جاك : جولي تعالي معايا اوصلك بيت آشلي عشان هيا قالتلي جيب معاك جوليا
جوليا : آآآه طيب
فشالت أكياسها وقالت لليوناردو : طيب باي اشوفك بعدين لما تطلع اشرطه جديده ههههه
ليوناردو وهو يقوم ويمشي : ياليت كل يوم يطلعو البوم جديد
ما فهموه ومشيو
وراحو لبيت آشلي وقعدو لليل
********************
وبعد أسبوع:
كان عيد ميلاد جوليا فصحيت من الصباح ولقت البيت (( مدهوك )) يعني مكركب مررررررررره
فقامت وقالت لأمها : ماما ؟
أمها : نعم يا حبيبتي
جوليا : اليوم آشلي عازمتني على الغدا عشان عيد ميلادي
أمها : طيب خلاص روحي معاها بس لا تتأخري علشان العيله كلها جيه
جوليا : طيب
فراحت لبست وخرجت من البيت
وراحت للمطعم اللي استنت فيه آشلي لمن طقت وشويه لقت آشلي جيه ومعاها سلاحف النينجا هههههه
فجريت آشلي على جوليا وضمتها وقالت : جولياااااااااااااااااا كل سنه وانتي طيبه
فقال ما يكل : تعيشي وتحبي زينا
جوليا : اوووف حتى في عيد ميلادي
فجا جاك ومسكها من كتفها وقال : كل سنه وأنتي بخير
وأما ليوناردو سوا حركه خلت جاك يغلي
مسك ليوناردو يد جوليا وباسها في يدها فقال : عقبال مية سنه هههه
استحت وقالت : شكرا
وقعدو على الطاوله فقالت جوليا لمايكل : مايك فين رافاييل
مايكل : دحين يجي ...
وقعدو يهرجو لما جا رافاييل فقعد معاهم وقال : يا شباب عندي مفاجأه سويناها أنا و ليوناردو عشان عيد ميلاد جوليا
جوليا : إيش؟؟؟
ليوناردو : رافاييل حجزلنا كلنا في رحله لجينيف
مايكل : بس عاد مو جنيف .. تبغانا نرجع قوالب تلج
رافاييل : الله يخلي الجاكيتات والدفايات
جاك : رافي أعرف إنك تمزح قول فين نروح أحسلك ترا حمستني
رافاييل :لهاواااااااااااااااي
جوليا : واااااااو مره كان نفسي أروحها
آشلي : 0_0 مو رحتيها
جوليا : لا أقصد أروحها مع ناس وشله مو بس انا وماما وبابا
آشلي : أيوه صح
جوليا : شكرا على الرحله والله فلللللللللله
جاك : طيب متى نروح ؟؟
رافاييل : استنى لا تتحمس .... دحين أكمل ... المهم حنقعد تلاته أيام وبكره حنمشي يعني بكره محا نحسبو إنو يوم يعني تقريبا تلاته ونص ..

فعبو اليوم أوكيه
ليوناردو : يبغالي أكلم صاحب المحل اللي اشتغل فيه عشان أخد إجازه
مايكل : أنا بكلم صاحب الشركه يعني بابا ههههه
آشلي : إزا مارضي خليني كلمو لك
مايكل : هههه لا ما عليكي هادا بابا أكيد بيرضى
وقعدو مبسوطين وهم يخططو لرحلتهم الفتاكه <<<<< يا حظهم
المهم ولما رجعت جوليا البيت كان الوقت في العصر قرب المغرب فراحت غرفتها وقعدت تعبي الشنطه
فجاتها أمها وفي يدها فستان حلووو لونو بمبي وقالتها وهي تحط الفستان على السرير : ايش بتسوي ؟
جوليا من غير ما تطالع وتعبي بحماس : بكره حنروح هاواي
أمها : إنتي ومين ؟
جوليا : انا و آشلي وجاك و ليوناردو ومايكل و رافاييل
أمها : طب قلتي لبابتك ؟!
جوليا : لا دحين أقولو
أمها : لا ... خلاص لاتقوليلو مافي مرواح
جوليا وهي تسيب الملابس وتقعد على السرير : ليش يا ماما ؟
أمها : ما ينفع تروحو وكلكم شباب وصغار ... أفرضي لا سمح الله سرلك شي
جوليا : ماما الله يخليكي
أمها : لا خلاص مافي ... يالله دحين ألبسي حيجو خالاتك وعماتك دحين
جوليا : ما أبى أنزل ... خليهم يقعدو لحالهم
أمها : يالله يا حبيبتي مايسير كده دولا ضيوفنا وهم جيين عشانك ... وبعدين مين يقطع الكيكه إزا مانزلتي
جوليا : خليهم يقطعوها بنفسهم ... خلاص انا ما أبى حفله ولا شي
أمها وهي معصبه : يالله بسرعه
فقامت ودخلت خزانة الملابس وسكت على نفسها وقالت : مني خارجه ... يسير لا أقطع الكيكه ولا أروح الحفله أحسلي ... وعادي ما بتفرق عندي

.. لأني دايما وحيده ومحد معايا ... غير آشلي وبس ... وانتي وبابي كنتو تقولولي اتعرفي على ناس و قولتولي لازم تتعلمي الثقه باللي حوليكي

وقولتيلي ما أعتمد على آشلي بس ... ودحين لما جيت اتعرف على ناس تقوليلي لا ... ليش كده ؟
أمها : خلاص يا حبيبتي لا ينخرب وشك الحلو يالله أخرجي وغسلي وشك
جوليا : ما أبى
فقالت أمها : جوجو حبيبتي أستهدي بالله .. واخرجي غسلي وشك عشان وراكي كيكه ورحله لبكره
فسكتت جوليا وبعدين فتحت باب خزانة الملابس وجريت على أمها وضمتها وقالت : أحبك يا ماما ... وطول سنيني اللي راحت حبيتك وحأفضل

احبك إلين ما أموت
أمها : وأنا كمان أحبك لأنك قطعه مني يا بنتي ...
فمسحت على راسها وقالت : يالله غسلي وشك وألبسي عشان نستعد
جوليا وهي تبتسم : طيب
فنزلت جوليا وقعدت لمى جو الضيوف و بعدين قطعت الكيكه وسوولها هيصه وفله ... وبعد لما راحو الضيوف
راحت عند أبوها وضمتو
فقال أبوها ديفيد : هاه يا جوجو عجبتك الحفله ؟!
جوليا وهي لسه ضامه أبوها : إيوه ... مرررره حلوه لأنكم إنتو سويتوها
فقالها : يالله يا بنتي روحي نامي عشان بكره وراكي سفر يا حلوتنا <<< فلتة
جوليا وهي تبوس يد أبوها : تصبح على خير يا بابا
وراحت وكانت بتمسي أمها فلقت أمها نايمه في الصالون من شدة التعب
فراحت جابتلها بطانيه وغطتها وراحت نامت بعد ما عبت ملابسها
وفي اليوم التاني من الساعه 6 الصباح صحيت جوليا واخدتلها شاور ولبست وراحت على بيت آشلي ففتح الباب ابو آشلي
فدخلت وراحت تصحي آشلي من النوم
فقامت آشلي بشرها وقالت : جوليا ؟ إيش في ؟ إيش جابك هنا ؟
جوليا وهي تنسدح جمبها : يالله تراني متحمسه بسرعه ألبسي
فطالعت آشلي في الساعه وقالت : تعرفي دحين الساعه كم !
جوليا : إيوه سارت 6 ونص يالله قومي
آشلي بعصبيه : جوجو اقوووول روحي عند جاك انا مالي صلاح ... دحين انا ما اعرف احد غير النوم ... ولا تقولي ولا كلمه حتى لو أمس كان

عيد ميلادك .. خلااااااااص أبى انام <<<< ياللطيف زي ناس أعرفهم لما يقومو من النوم ..
فقامت جوليا وخرجت من البيت وركبت السياره وقالت في عقلها : جاك ؟؟ ليش ما جا على خاطرها غيرو
فراحت لبيت جاك فلقتو قاعد في حديقة بيتهم
فقالت وهي تفتح طاقة السياره : جاااااااااااااااااااااك
فطالع فيها وقال : جوجو ؟!!!!
وجالها فقال : ايش بك صاحيه بدري ؟
جوليا : بس كده انا متحمسه مره
جاك : حتى أنا عشان كده صاحي ... تعرفي محد من الشباب صاحيين ... ترى مريت عليهم كلهم
جوليا : ايوه حتى أنا مريت على آشلي وهي نايمه ومحا تقوم دحين
جاك : آها يعني أنا تاني واحد تجيني بعد آشلي هههههه <<<< ضحكة واحد مبسووووووووووط ^*^
وبعدين خرجت جوليا من السياره واحت هيا وجاك قعدو في حديقة بيت جاك واديلو يا هرج
وعلى الساعه 9 جات الشله كلها ومشيو سوا على المطار
***********************************
مع حبي

 

 

مشكووووووور

يعطيك العافية

 

 

ـشكلها مزتنا حتحب جاك :b-style1- (85):

ـالله يعطيك العافية

فانتضار التكملة ~

 

 

الله يعطيكم العافيه
وان شا الله في العيد انزلها

 

 

وااااه حماااس يلاا كملووو

بس ماااعتقد يادودي انها تحوب جااك<<<اعتقاد بس خخخخ

يسلمووو

سيييا